Диде-бубайрин собрание

Кьасумхуьрел, райондин И. Гь. Тагьирован тIварунихъ галай Культурадин дворецда, райондин диде-бубайрин умуми собрание кьиле фена. Анал 2018-йисан ЕГЭ-диз гьазурвал акунин месэлайриз килигна. Собранидин кIвалахда Сулейман-Стальский райондин кьил Нариман Абдулмуталибова, рай­администрациядин кьилин сад ла­гьай заместитель Лацис Оружева, Дагъустан Республикадин образованидин ва илимдин министерстводин информация гьазурунин ре­кьяй ГИА-дин Региональный центрадин кьилин пешекар-эксперт Тамамат Ярагьмедовади, образованидин управленидин кьилин пешекарри, образованидин идарайрин ва общественный тешкилатрин руководителри, аялрини, абурун диде-бубайри иштиракна.

2017-йисуз районда ЕГЭ вахкунин нетижайрикай райондин образованидин управленидин начальник Къачабег Аминова гегьенш доклад авуна. Ада къейд авурвал, ала­­тай йисуз район ахтармишунин “яру зонадай” акъатна. Муьжуьд предметдай райондин выпускникриз къимет гунин юкьван балл республикадиндалай винизди хьана. ЯтIани, ЕГЭ-диз гьазур хьунин кIва­лахда гьял тахьанвай месэлаярни амачиз туш. КIелунин йисан эхирдалди, виридан къуватар сад авуна, абур арадай акъудун лазим я.

Собранидал чпин фикирар ва теклифар гваз Герейханован 2-нумрадин юкьван школадин директор Малаудин Сафаралиев, райондин диде-бубайрин комитетдин председатель Эльза Рустамова, ППЭ-дин тешкилатчи Успагьи Цмиханова, Шихидхуьруьн юкьван школадин муаллим-психолог Румина Муслимова, Курхуьруьн 2-нумрадин юкьван школадин выпускникдин диде Лейла Уружбегова, ЦIийи поселокдин юкьван школадин выпускник Ильяс Разаханов ва маса юлдашар рахана.

Тамамат Ярагьмедовади собранидин иштиракчияр 2018-йисуз ЕГЭ вахкунин рекьяй хьанвай дегишвилерихъ галаз танишарна.

Райондин кьил Нариман Абдулмуталибова ЕГЭ себеб яз райондин выпускникрихъ уьлкведин кIвен­кIве­чи  ВУЗ-рик экечIдай мумкинвал хьанвайди, анрин руководителрилай райондин администрациядиз ва диде-бубайриз чухсагъулдин чарар хквезвайди къейдна.

Эхирдай райондин диде-бубайрин собранидин иштиракчийри къарар кьабулна.

Хазран Кьасумов


Всего просмотров: 47

Читайте также: