Дербентдиз — савкьат

РикIел хкин, вини дережадин медицинадин куьмек агакьарун патал тадаракламишнавай автомашинар шегьердин медицинадин идарайриз агакьаруникай Дербентдин мэр Хизри Абакарова 2018-йисан эхирра духтуррихъ галаз гуьруьшмиш хьайила лагьанай. Абур маса къачун патал такьатар РФ-дин Федеральный Собранидин Федерациядин Советдин член, чи машгьур меценат Сулейман Керимова чара авуна.

Къейд авун лазим я хьи, “Тади куьмекдин” цIийи 6 улакьдикай гьар са машинда видеогуьзчивал, дарманар хуьн патал махсус шкафар, ингаляторар ва алай аямдин маса тадаракар эцигнава. Кьве реанимобилдани таза аялар больницадиз агакьарун ва, лазим атайтIа, чпикай менфят къачун патални кювезралдини таъмин я. Ихьтинбур Дербентда садрани хьайиди туш, гьатта Да­гъустандани абур лап тIимил ава.

* * *

15-апрелдиз Сулейман Керимова Дербент  шегьердин участковыйриз ва полициядин къуллугъчийриз кIвалахдин рекьяй ишлемишдай машинар ва компьютерар пишкешна.

РикIел хкин, алатай йисан эхирра къанун-къайда хуьдай ор­ганрин векилри Дербентдин кьиливай участковый пунктарин материально-технический база хъсанарун патал куьмек тIалаб­най ва полициядин горотделдин къуллугъчийриз машинар бес тежезвайдакайни хабар ганай.

Хизри Абакарова и месэлаяр, мумкинвал хьанмазди, гьялун хиве кьунай.

«Лезги газет»


Всего просмотров: 26

Читайте также: