Дербентда цIийи зал ачухда

Дербентда “Культура” милли проектдин сергьятра аваз шегьердин тарихда сад лагьайди тир концертрин виртуальный зал ачухда. Культурадин цIийи майдан Лезгийрин СтIал Сулейманан тIва­рунихъ галай госмуздрамтеатрдин да­ра­матда кардик акатда.

Дагъустандин культурадин министр Зарема Бутаевадин гафаралди, концертрин виртуальный зал Дербентда алай йисан зулуз ачухда. Ам мультимедиадин алай аямдин тадаракралди ва виниз­ тир йигинвал авай интернетдалди таъминарда. И проект кьилиз акъудуни дербентвийриз ва къадим шегьердин мугьманриз онлайн-режимда аваз уьлкведин ва дуьньядин культурадин уьмуьрда кьи­­ле физвай вакъиайрин иштиракчияр  же­дай мумкинвал гуда.

Къейд авун лазим я хьи, Дербентда ачухун планламишнавай концертрин виртуальный зал республикада кьилиз акъуд­­завай “Цифровая культура” проект­дин ва вичин кьилин макьсад уьлкведин гъвечIи шегьеррин агьалияр культурадин ивирралди таъминарун тир “Культура” мил­ли проектдин сер­гьят­ра аваз кардик кутада.

РикIел хкин: Дагъустанда тIвар кьунвай проект кьилиз акъудун яз, алай йисан июндин вацран эхирриз Махачкъа­лада Урусрин М.Горькийдин тIварунихъ галай драмтеатрдин дараматда республикадин тарихда сад лагьайди тир концертрин виртуальный зал ачухна. Ам ачухай юкъуз 100-лай виниз махачкъалавияр ва меркездин мугьманар П.Чайковскийдин тIварунихъ галай международный XVI конкурсдин онлайн гала-концертдин тамашачияр хьана.

Федеральный “Культура” милли проектди  2024-йисалди уьлкведин 500-далай виниз шегьерра концертрин виртуальный залар кардик кутун шартI яз вилик­ эцигнава. ИкI, алай йисан 1-декабрдалди­ Россияда ахьтин 80 зал кардик акатда.

“Культура” милли проект 2019-2024-йисара кьилиз акъудда. Ам федеральный 3 проектдикай ибарат я: “Культурная среда”, “Творческие люди” ва “Цифровая культура”. Проект кьилиз­ акъудун патал 113,5 миллиард манат ча­ра авун пландик кутунва.

«Лезги газет»


Всего просмотров: 90

Читайте также: