Дербентда кьиле тухвана

19-майдиз Дагъустандин Кьил Владимир Васильева интернетдин ала­къадин куьмекдалди коронавирусдин тIугъвалдин вилик пад кьун патал республикада кардик кутунвай штабдин нубатдин заседание Дербент шегьерда кьиле тухвана. Мярекатда РД-дин Гьукуматдин Председатель Ар­тем Здунова, РД-дин Кьилин ва Гьукуматдин Администрациядин Руково­дитель Владимир Иванова, шегьердин мэр Хизри Абакарова, шегьерринни районрин кьилери ва масабуру иштиракна.

Заседанидин сергьятра аваз тади куьмекдин къуллугъдин кIвалахдин менфятлувилиз, компьютердин томография авунин мумкинвилер артухаруниз, азарханаяр бес кьадар дарманралди таъминаруниз талукь месэлаяр веревирдна.

Региондин Кьили республикадин са жерге районра гьалар къизгъин жезвайди къейдна. Ада Владимир Ивановал а районра авай гьалар ахтармишун ва нетижайрикай вичиз хабар гун тапшурмишна.

“Куьмек герекзавай гьар са шегьердиз, райондиз чна кьетIен фикир гуда”, — лагьана Владимир Васильева.

«Лезги газет»


Всего просмотров: 83
Подпишитесь на наши каналы:

Читайте также:


Новости партнеров

Яндекс.КартыКарта распространения коронавируса в России и мире