Депутат депутатрихъ галаз гуьруьшмиш хьана

И йикъара Госдумадин депутат, образованидин ва илимдин рекьяй комитетдин член Гьажимет Сафаралиев Мегьарамдхуьруьн райондиз атана.

«Лезги газетдиз» райондин администрациядин пресс-къуллугъди хабар гузвайвал, кIвалахдин рекьяй мугьман хьайи депутат муниципальный райондин хуьрерин депутатрихъ галаз гуьруьшмиш хьана ва са бязи законопроектрин гьакъиндай веревирдер авуна. Кьилди къачуртIа, Федерациядин Советдин председателдин заместитель, «Сад тир Россиядин» генеральный советдин секретарь Андрей Турчака Госдумадиз ракъурнавай,  гьамиша тушир къайдадал бинеламиш хьана кIвалахзавай хуьрерин депутатрин менфятрин декларацийрин къайда регьятарунин ва декларацийра тамам тушир ва я якъин тушир делилар къалурунай муниципальный депутатрин жавабдарвилин серенжемар кардик кутунин гьакъиндай тир законопроектрикай ихтилат фена.

Галай-галайвал веревирд авуналди, вири депутатри законопроектрин тереф тамамвилелди хвена. Гуьгъуьнлай Гьажимет Сафаралиева Мегьарамдхуьруьн райондин кьил Фарид Агьмедоваз ва муницитпальный райондин Собранидин депутатрин председатель Назир Алияроваз хуьрерин депутатрихъ галаз гуьруьш тешкилунай чухсагъул малумарна.

«Лезги газет»  


Всего просмотров: 30

Читайте также: