Дауренан нубатдин чIехи агалкьун

Азаддиз кьуршахар кьунай еке алакьунар авай пагьливан Даурен Куругълиева и йикъара Минскда кьиле физвай Европадин къугъунра къизилдин медаль къачуна. Идакай «Лезги газетдиз»  «IezgiSport.com» чешмеди хабар гана.

Финалдин бягьсина Даурен Куругълиева (заланвал — 86 кг.) Белоруссия республикадин патай экъечIай Али Шабанован винел гъалибвал къачуна. Чешмеди къейдзавайвал, Али Шабановни дагъустанви спортсмен я.

Бягьсинин сифте кьиле Алиди вич викIегь пагьливан яз къалурнатIани, эхиримжи декьикьада Даурена адалай вич къуватлу тирди  субутна. Четин финалда Куругълиева 3:2 гьисабдалди гъалибвал къачуна.

«Лезги газетдин» редакциядин коллективди чи кьегьал ватанэгьлидиз и агалкьун мубаракзава!

«Лезги газет»


Всего просмотров: 58

Читайте также: