Дагъустандин Кьилин цIийи Указар

Дагъустандин Кьилин везифаяр вахтуналди тамамарзавай Владимир Васильеван Указдалди кьве министерство масакIа туькIуьр хъувунва.

Чилерин, эменнидин алакъайрин ва алишверишдин месэлайрин министерстводикай гила РД-дин чилерин, эменнидин алакъайрай министерство хъувунва. Алишверишдин хилен везифаяр дегишар хъувунвай Дагъустандин промышленностдин министерстводив вахканва.

Республикадин Гьукуматдиз вацран къене тешкиллувилин, финансрин, эменнидин ва Указ кьилиз акъудунихъ галаз алакъалу маса месэлаяр гьялунин буйругъ ганва.

Р.Гъ. Мегьамедован  гьакъиндай

  1. Мегьамедов Руслан Гъазимегьамедович чилерин, эменнидин ала­къай­рин ва алишверишдин месэлайрин министрдин къуллугъдикай азад ийин.
  2. И Указ адал къул чIугур йикъалай къуватда гьатзава.

Дагъустан Республикадин Кьилин везифаяр вахтуналди тамамарзавай            В.Васильев

Махачкъала шегьер, 2018-йисан 16-январь, №10

Е.А. Толстиковадин гьакъиндай

  1. Толстикова Екатерина Андреевна, алай къуллугъдикай азадна, Да­гъустан Республикадин Гьукуматдин Председателдин заместителвиле – Дагъустан Республикадин чилерин, эменнидин алакъайрин министрвиле тайинарин.
  2. И Указ адал къул чIугур йикъалай къуватда гьатзава.

Дагъустан Республикадин Кьилин везифаяр вахтуналди                              тамамарзавай В.Васильев

Махачкъала шегьер, 2018-йисан 17-январь, №13

Ю.Ж. Умавован гьакъиндай

  1. Умавов Юсуп Жанбегович, алай къуллугъдикай азадна, Дагъустан Республикадин промышленностдин ва алишверишдин министр­виле тайинарин.
  2. И Указ адал къул чIугур йикъалай къуватда гьатзава.

Дагъустан Республикадин Кьилин везифаяр вахтуналди тамамарзавай          В.Васильев

Махачкъала шегьер, 2018-йисан 17-январь, №14


Всего просмотров: 1

Читайте также:

Добавить комментарий

Войти с помощью: