Дагъларикай

Квез чидани?

—           Чилел алай виридалайни кьакьан дагъ Джомолунгма (адан кукIушдиз Эверестни лу­гьуз­ва) я. Адан кьакьанвилел 8848 метр ала.

—           Дагъустанда виридалайни кьакьан чарчар До­къузпара райондин Ярудагъда авай Чадавур я.

—           Дагъдал дагъдин тIвар акьалтун патал адан кьакьанвал 500 метрдилай тIимил хьана кIандач. 500 метрдилай аскIан вири тепеяр дагълар ваъ, кIунтIар я.

—           Гзафни-гзаф альпинистар США-да авай Монаднок кукIушдал хкаж жезва. 965 метрдин кьакьан и кукIуш иллаки дагълар муьтIуьгъа­ру­нал сифте яз машгъул жезвай ксарин арада маш­гьур я.

—           Гималайра авай Аннапурна дагъ дуьньяда виридалайни хаталуди яз гьисабзава. Бязи чешмейри къейдзавайвал, и дагъ муьтIуьгъариз алахъай гьар кьуд лагьай альпинист анай аватна, кьена.

—           Лезгистанда авай Кетин дагъдиз бязи хуьрера Гатун дагъ лугьуда. Гьакъикъатдани, патарив гвай элкъуьрна кьунвай тIебиатдилай тафаватлу яз, и дагъдин кукIушда хъуьтIуьз саки жив жедач. Жив къвайитIани, ам гьасятда цIран хъийида.

—           Гьуьлуьн дережадилай 7200 метрдин кьакьанвал авай дагълар Чилел 100-елайни гзаф ала.

—           Докъузпара райондин мулкара авай Шалбуз дагъдин кьакьанвилел 4142 метр ала. Кьакьанвилел гьалтайла, Шалбуз дагъ Дагъустанда кьуд лагьай чкадал ала. И пак дагъдиз гьар йисуз агъзурралди зияратчияр хкаж жезва.

—           Дуьньяда авай кьван вацIарин чIехи паюни сифте кьил дагъларай къачузва.

—           Россияда виридалайни кьакьан дагъ Эльбрус (5642 м) я.

—           Дагъустанда виридалайни кьакьан дагъ Базардуьзуь (Киченсув) я. Адан кьакьанвилел 4466 метр ала.

«Лезги газет»


Всего просмотров: 58
Подпишитесь на наши каналы:

Читайте также:


Новости партнеров

Яндекс.КартыКарта распространения коронавируса в России и мире