“Чубарукдин муг”

Квез чидани?

Крымдин килигуниз лайихлу ажайиб чкайрикай сад 40 метрдин кьакьанда, Аврорадин рагал, ЧIу­лав гьуьлуьн къерехдихъ экъис хьанвай “Чуба­рукдин муг” тIвар алай  архитектурадинни тарихдин­ имарат­ я. Ам Крымдин кьиблепатан къерехдин кьилин яржуниз элкъвенва. 

А чкадал Россиядинни Туьркиядин дяведилай кьулухъ (1877-1878-йисар) отставкадиз фейи урусрин генерал яшамиш хьун па­тал кIарасдикай сад лагьай имарат эцигнай. Гуьгъуьнлай ажа­йиб чкадихъ кьвед, пуд ла­гьай­ иесиярни хьана. Нубатдин сагьибди, куьгьне дарамат чу­кIур­на, адан чкадал кIарасдин зурба дарамат туькIуьрна ва адаз “Чубарукдин муг” тIвар гана. 1914-йи­суз вич немс тир нубатдин девлетлу сагьибди лацу киреждикайни хъипи къванерикай вижевай дарамат эцигна. Амма цIийи сагьибдин шадвилер яргъалди фенач: гьа йисан 28-июлдиз Дуьнья­дин сад лагьай дяве башламиш хьуникди ам Россиядин империядай катуниз мажбур хьана. Гуьгъуьнлай “Чубарукдин муг” девлетлу савдагар ва меценат Павел­ Шелапутиназ маса гана. Ада дараматда ресторан кардик кутуна. 1920-йисан эхирра виликан хсуси вири чкаяр Крымдин сов­хоз­дин кьилин управленидив вахкана. 1927-йисуз Крымда хьайи зал­­за­ла­дикди дарамат алай рагай фер атана. Нетижада дараматдин патав гвай багъдихъ галаз­ санал раган са падни гьуьлуьхъди уьцIена.

2015-йисуз РФ-дин гьукуматди “Чубарукдин муг” федеральный метлеб авай медениятдин ирс яз гьисабунин гьакъиндай къарар кьабулна.

Гьазурайди — К.Ферзалиев


Всего просмотров: 41

Читайте также: