Чир хьун хъсан я

—  Жалгъайра тIал авайла, 1,5 стаканда авай турпадин мижедик са истиканда авай вирт, 0,5 истиканда авай эрекь ва чайдин са тIуруна авай кьел какадарна къаришма гьазурда. Ам тIазвай жалгъайривай  гуьцIда.

Мадни аптекадай маса гузвай дарчинрин (корица) ягълудин са шумуд стIал тIазвай жалгъайривай гуьцIайтIа, тIал фад секин жеда.

—  Кьил къатидаказ  тIазвайла, чайдин са тIуруна авай дарчинар, михекар ва бадам (миндаль) кофемолкадай регъвена, яд илична, къаймахдин икьивал авай къаришма туькIуьрда. Ахпа ам пелевай, цIвелеривай гуьцIна, винелай компрессдин чар эцигна, кьил дасмалдалди кIевирна, къаткида. Са арадилай кьилин тIал секин жеда.

—  Ивидик шекер кьадардилай гзаф квайла, чайдин тIурунин са кьатIа авай дарчинар кудай чайдиз вегьена хъун хийирлу я.

—  ДуркIунра къванер ва къум авайла, са истиканда авай циз хуьрекдин са тIуруна авай  дарчинар вегьена, зайиф цIал эцигна, зур сятда тада. Ахпа ам къайила, са йикъан вахтунда кьуд сеферда хъвада. Са гьафтеда хъваз, кьве гьафтеда ял яда.

—  Кьилин мефтIедин дамарар ­михьи авун патал, чичIек лап куьлуь ­авуна, адак сад хьтин пай вирт кака­дарна, 2 вацран вахтунда экуьнахъ ва нянихъ хуь­рекдин са тIуруна авайди ишлемишда.

—  Беденда акъвазнавай кьелер ва гьакIни зиян гудай шейэр хкудун патал агъадихъ галай рецептдикай менфят къачуда: 50 г хвоядин хилер, хуьрекдин са тIуруна авай бияндин (солодка) дувулар шир алай  катулдиз вегьена, 2 л яд цана, зайиф цIал ргада ва аниз хуьрекдин 2 тIуруна авай куьлуь авунвай жикIиярни хъивегьна, 12 сятда и къаришма термосда тада. Ахпа ам  хъвада. Гьа икI, вад вацран вахтунда гьафтеда хъваз, гьафтеда ял яда.

—  Вад жуьредин хъчарикай туь­кIуьр­навай мижеди рикIихъ галаз алакъалу гзаф  азарриз куьмек гуда. Пустырник, валерьяна, чIутран  цуьквер, спорыш, сушеница (гьар садакай хуьрекдин са тIуруна авайди) катулдиз вегьена, са литр ргазвай яд илична, 30 декьикьада тада. Ахпа ам куьзна, 05 л вирт алава хъувуна, холодильникда хуьда.

Экуьнахъ ичIи рикIелай ва нянихъ ксудалди вилик хуьрекдин са тIуруна авайди ишлемишда. Ихьтин миже са йисуз хъун меслят къалурзава.

—  КIвачерин ва гъилерин кикерик цIарнах (грибок) квайла, агъадихъ галай рецептдикай менфят къачуда: ичин сиркедик (эссенция ва столовый уксус  виже къведач) йоддин 2-3 стIал какадарна, памбаг кьежирна, экуьнахъ ва нянихъ кикеривай гуьцIда. Сифте вацра кикер хъсан хъжезвайди са артух гьиссдач. Кьвед лагьай вацра кикер хъуьтуьл  хьана, ранг экуь хъжеда.

—   Куьк инсанриз яхун хьун патал гьар юкъуз са истиканда авай рганвай пахлаяр ва пахлайрин жинсинин маса набататар  ишлемишун меслятзава.

“Айболит” газетдай.

Гьазурайди — Надият  Велиева


Всего просмотров: 51
Подпишитесь на наши каналы:

Читайте также:


Новости партнеров