Чи Гомераз бахшнавай ктабар

И йикъара «Куьредин ярар» жемиятдинни медениятдин центради ва «ЦIийи Кавказ» чапханадин группади СтIал Сулейманан афоризмайрин ва шаирдикай кхьенвай макъалайрин кIватIалар чапдай акъуднава. Идакай «Лезги газетдиз» Сулейман-Стальский райондин пресс-къуллугъди хабар гузва.

Кьве ктабни халкьдин шаирдин 150 йисан юбилейдиз талукьарна, лезги чIалал чапнава. С.Сулейманан афоризмаяр А.Алкадарскийдин ктабдай къачунва. Гьакъикъатдани, С.Сулейманан гьар са эсер афоризмайрикай ибарат я. Адан шиирра камаллу, ибретлу, таъсирлу келимаяр булдалди ава.

«Халкьдин руьгьдин гьарай» ктабдал зегьмет чIугунвайди шаир ва журналист Абидин Камилов я. Ана жуьреба-жуьре авторри кхьенвай, шаирдихъ галаз алакъалу хейлин макъалаяр гьатнава.

Къейдна кIанда хьи, юбилейдихъ галаз алакъалу яз шаирдин Ктаб-альбом (шаирдин шикилар) ва пуд томдикай ибарат «Сулейманан алем» ктабарни мукьвара чапдай акъатда.

«Лезги газет»


Всего просмотров: 34

Читайте также: