Бажарагъни гьевес

КIвалахда хъсан нетижайрай ва агалкьунрай Сулейман-Стальский  райондин кьил Нариман Абдулмуталибова са шумуд касдив райадминистрациядин патай гьуьрметдин грамотаяр вахкана. Абурун арада Чуьхверхуьруьн Культурадин кIвалин художественный руководитель  Амаханова  Мерзият  Казимхановнани  авай.

Бажарагълу культработник, гьевескар манидар Мерзият Амахановади  гьам районда, гьамни адалай къеце тухузвай фестивалра, килигунра, шадвилин маса мярекатра активвилелди иштиракиз гзаф вахт я.

М.Амахановади Махачкъала шегьердин культ­просвет­учи­лище акьалтIарна. 1985-йисалай ада Чуьхверхуьруьн куль­тура­дин кIвале художественный руководителвиле кIва­лах­за­ва­.

Ам “Лезгистандин авазар”, “Ирс яз амукьдайди” лишандик кваз тухвай республикадин фестивалрин ва маса мя­рекатрин гра­мотайрин, дипломрин са­гьиб я.

– Алай вахтунда чахъ 12 касдикай ибарат тир гьевескаррин хъсан коллектив ава. Ада хуьре ва районда тухузвай шадвилин мярекатра, килигунра иштиракзава, алакьунар къалурзава, – лугьуз­ва М.Амахановади.

М.Амаханова культурадинни ял ягъу­нин “ЦIийи Макьар”  центрадин, райондин культурадин дворецдин художественный самодеятельностдин ва 2003-йисуз районда тешкилай фольклордин “Куьре” ансамблдин кIвалахривайни къе­рех жезвач.

– Мани, макьам ва кьуьл галачиз, завай уьмуьр фикирдиз гъиз жедач, – лу­гьузва Мерзият Казимхановнади. – И крарал­ машгъул хьуни,  мярекатра ишти­ракуни заз рикIин шадвал, руьгьдин таъминвал гузва.

Хазран Кьасумов


Всего просмотров: 16

Читайте также: