Бахчадиз телевизор пишкешна

ЦIийи йис алукьдалди са шумуд югъ амаз, Мегьарамдхуьруьн райондин Бут-Къазмайрин хуьре кардик квай “Золушка” тIвар алай бахчадиз хуьруьнви  карчи­ Рамаза­нов Муфталидин тIалабуналди шко­­ладин муаллимар — Мурад, Да­л­гат ва и цIарарин автор илифна. Бахчадин за­ведующий Ф.Сулеймановади кIва­лахдикай ихтилатарна…

2004 — йисалай кардик квай бахчада аялар, пуд дестедиз пайна, тер­бияламишзава. Анин гъвечIи коллективди, гъил-гъиле кьуна, гьа­­къисагъвилелди зегьмет чIуг­ваз­ва. Аялриз тербия ва чирвилер гун, гьар жуьре къугъунар тешкилун, абур машгъуларун тербиячийри чпин кьилин везифа яз гьисабзава. Аялрихъ галаз суварин мярекатар тешкилзава. Аниз аялрин диде-бубайризни, мугьманризни эвер гузва.

Чунни бахчада ЦIийи йисаз талукьар­навай межлисдин иштиракчияр хьана. Аял­ри ашкъидалди кьуьлерна, гьар жуь­ре­­ къу­гъунарна,   манияр лагьана, ши­и­рар кIелна­. Гуьгъуьнлай аялриз Аяз бубадин савкьатар гана.

Карчи Рамазанов Муф­талиди би­цIекриз ва бахчада зегьмет чIуг­ваз­­вай­буруз ЦIийи йис тебрику­налди, вичин патай телевизор пиш­­кешна.

Суварин межлисдилай аялар, абурун диде-бубаяр,  чунни рази яз амукьна.

Желил Желилов


Всего просмотров: 37

Читайте также: