Аялрин шикилрин выставка

Аялар хуьнин международный йикъаз талукьарна, мукьвара Дербент шегьерда авай  “I Петрдин КIвал” — музейдин комплекс­да Белиж поселокдин аялринни жаванрин яратмишунрин кIвале устадвал хкажзавайбуру чIугунвай ва абурун муаллим, маш­гьур художник Мелик Агъабалаеван шикилрин выставка кьиле фена. Ам ачухуниз талукьарнавай мярекатда Дер­бент райондин администрациядин кьилин заместитель Мегьамед-Шафи Гьа­са­но­ва, “I Петрдин КIвал” — музейдин ком­плексдин заведующий Мина Абдуллаевади, Дербент райондин образованидин управленидин кьилин пешекар Зарема Алиевади, и цIа­ра­рин автор­ди, жаванри, шегьерэгьлийри ва масабуру иштиракна.

Мярекатдал Мелик Агъабалаева выставкада иштиракзавай аялрин яратмишунрикай,  выставка сифте Белижда ачухайди, мукьвал гележегда кIвалахар Махачкъаладин Шииратдин кIвалени къалурдайдакай гегьеншдиз суьгьбетна. Аялрин кIва­лахрин выставка ачухиз мумкинвал гунай музейдин кьиле авай ксариз сагърай лагьана.

Гуьгъуьнлай рахай Мегьамед — Шафи Гьасанова, Мина Абдуллаевади яратмишунрин кIвалера аялар ихьтин кIвалахрал желб авунин важиблувал къейдна,  гъиле кьунвай кар давамарун ва къастунал кIеви хьун алхишна, аялрин яратмишунриз хъсан къимет гана.

Эхирдай выставкадин шикилрин бязи авторрив Мегьамед — Шафи Гьасанова грамотаярни вахкана.

Къагьриман Ибрагьимов


Всего просмотров: 15

Читайте также: