Аялрин бахчаяр эцигда

“Лезги газетдиз” РД-дин образованидин ва илимдин министерстводин пресс-къуллугъди хабар гайивал, 2019-йисуз республикада йисни зуралай пуд йисал къведалди яшара авай бицIекар патал аялрин 32 бахча эцигиз гатIунда.

Абурун куьмекдалди мектебдиз фидай яш тахьанвай аялрин идарайра  6 агъзурни 130 алава чка тешкилда.

Къейд ийин хьи, кIвалахар милли “Демография” проектдин сергьятра аваз кьиле тухуда. Адан бинедаллаз региондин “Создание условий для осуществления трудовой занятости женщин с детьми, включая ликвидацию очереди в ясли для детей до трех лет” проектни арадал гъанва. И проектдин сергьятра аваз аялрин 2 агъзурни 70 чка авай 22 идара эцигун фикирдиз къачунва.

Лагьана кIанда, 2018- йисуз РД-дин образованидин ва илимдин министерстводи аялрин бахчайра нубатда акъвазунин электронный къурулуш хъсанарун, аялар бахчайриз кьабулдайла, къанунсузвилериз рехъ тагун патал са жерге серенжемар кьабулна.

“Лезги газет”


Всего просмотров: 20

Читайте также: