Аялрин бахча ачухна

Мукьвара Хив райондин Агъа АрхитIрин хуьре 100 аялдиз чка авай аялрин бахча ачухна. Ана РД-дин образовани­дин ва илимдин министрдин заместитель Альбина Аруховади, РД-дин Халкьдин Собранидин депутат Нариман Асва­рова, Хив, Кьурагь ва Сулейман-Стальский районрин кьилер тир Бейдуллагь Мирзоева, Замир Азизова, Нариман Абдулмуталибова, жавабдар маса юлдашри иштиракна.

Алай аямдин истемишунриз жаваб гузвай бахчадин дарамат инвестордин – “Тркал-Берекат” ООО-дин руководитель Абдулбари Фаталиеван такьатрин гьисабдай эцигна.

Аялрин бахча алай аямдин эменнидалди, техникадалди таъмин я, адан гьаятни хъсандиз тадаракламишнава, абуру санитариядин нормайриз ва къайдайриз жаваб гузва.­

Аялрин бахчада Агъа АрхитIрин хуьруьн поселенидик акатзавай пуд хуьруьн бицIекри школадилай виликан чирвилер къачуда.

Хазран Кьасумов


Всего просмотров: 16

Читайте также:

Добавить комментарий

Войти с помощью: