“Анжида” – дегишвилер

Кьве йисан вахтуналди “Анжидин” гендиректорвиле Олег  Флегонтов ва кьилин тренервиле Мегьамед  Адиев тайинарнава.

Олег Флегонтов 1965-йисуз Казанда дидедиз хьана. Спортдин рекьяй кIвалах ада хайи шегьерда башламишна. 1980-йисара ада Казандин “Электрон” ва “Тасм” командайрин тренер-муаллимвал, футболдай шегьердин федерациядин жавабдар секретарвал авуна. 1990-йисара “Рубиндин” исполнительный директор тир.

Владивостокдин “Луч-Энергияда” ада и команда кьвед лагьай дивизиондилай премьер-лигадал кьван хкаж жедалди кIва­лах­на, спортивный директорни хьана.

О.Флегонтов ФНЛ-дин сад лагьай спортивный директор тир. Спортивный директорвал ада “Кайратда”, Астрахандин “Волгарда”, Туладин “Арсеналдани” авуна. Хабаровскдин “СКА-Энергияда” гендиректорвиле кIвалахна.

Мегьамед Адиев футболист яз “Ингушетиядин” (Назрань), “Анжи-2”, “Анжи”, “ЦСКА”. “Сокол” (Саратов), “Спартак-2” (Моск­ва), “Женис” (Къазахстан), “Терек”, “Кривбасс” (Украина), “Нижний Новгород” командайрик кваз къугъвана.

2010-йисалай ам тренервилин кIвалахдал элячIна. Сифте “Нижний Новгороддин” тренер хьана. Ахпа Мегьамед Адиев Нижний Новгороддин жегьилрин “Волга”, “Терек-2” ва Махачкъа­ладин “Легион Динамо” командайрин тренер тир.

2017-2018-сезонда Мегьамед Адиев Грозныйдин “Ахмат” ­командадин тренеррин штабдик квай.

Футболдин милли лигадин 2018/2019-сезондин сад лагьай турдин сергьятра аваз “Анжи”  Новосибирскдин “Сибирь” командадихъ галаз 17-июлдиз “Анжи Аренадал” къугъвада. ФНЛ-дин календарь тестикьарнава.

Дагъви Шериф


Всего просмотров: 27

Читайте также: