Ангелинади 1-чка кьуна

Санкт-Петербургда яшамиш жезвай чи ватандаш  Ангелина  Къазиева  “В лучах софитов” тIвар алаз ана мукьвара кьиле фейи международный III кон­курс­да “Эстрадное пение. Соло” но­­ми­на­циядай 1-чкадиз лайихлу хьа­на. Адав шад гьалара ла­уре­атвилин диплом ва кубок вахкана…

Адан диде Анжелина Къа­зие­вадин суьгьбетдай малум хьайи­вал, им рушан сад лагьай агалкьун туш. Ангелинади 50-да­лай виниз жуьреба-жуьре фестивалрани конкурсра иштиракна. Абура 40 сеферда гъалибвал къазанмишна. ИкI, 2018-йисуз Россияда кинодин Йисан сергьятра аваз кьиле фейи “Кинофильмайрай рикI алай манияр” вокалдин конкурсда, “Волшебная феерия” международный конкурсдани ам 1-чкайриз лайихлу хьана.

Ангелинади умуми образованидин ва Санкт-Петербургдин культурадин госинститутдин патав гвай аялрин искусствойрин школадани агалкьунралди кIел­зава. “Эдельвейс” тIвар алай искусствойрин центрадани вичин ус­тадвал хкажзава. Идалайни гъейри, чи ватандашди яшлубурун ва аялрин кIвалера, онкологиядин азарар квай аялар патал гузвай мергьяматлувилин концертрани иштиракзава. Гьар йисуз Санкт-Петербургда кьиле физвай Яран суварикни ада ­лезги чIалалди манияр тамамарзава.

Чи мурад Ангелинадихъ мадни еке агалкьунар хьун я.

Низамидин Къаинбегов


Всего просмотров: 24

Читайте также: