Анаконда

Чилел яшамиш жезвай лап чIехи гъуьлягърикай сад анаконда я. Ам Кьиблепатан Америкадин чими чкайра гьалтда. Дугъриданни, гьайванрин алемда ам виридалайни чIехи гъуьлягъ я. Абур гзафни-гзаф рагъул рангунин элкъвей тIехвер алай, къацу ранг какахьайбур жеда. Ам зегьерлу туш, амма адан сарари авур хирери еке азият гуда.

Анакондайрин яргъивилин гьакъиндай бязи чешмейра жуьреба-жуьре делилар къалурнава, амма абур садни тестикьарнавайбур яз гьисабзавач. Венесуэлада инсанри кьур еке анакондадин яргъивал 5 метрни 21 сантиметр, заланвал 97,5 килограмм яз тайинарна. Алимрин ахтармишунрин делилралди, виридалайни чIехи анакондайрин яргъивал вини кьил 6,7 метр хьун мумкин я. Адет яз, эркекбурулай диши анакондаяр яргъи жеда.

Анакондади тIуьниз Амазонка вацIун къерехра яшамиш жезвай жуьреба-жуьре гьайванар, къушар ишлемишда. Ам гзафни-гзаф це  жеда. Еке анакондайриз тIебиатда душманар саки авач. Амма гагь-гагь абур ягуаррин, чIехи крокодилрин ва маса къуватлу гьайванрин гьужумдик акатда.

Гьазурайди — Куругъли Ферзалиев


Всего просмотров: 82

Читайте также: