“Алкьвадрилай тир Готфрид ва Генрих Гьасановар”

Ихьтин тIвар алаз мукьвара “Лотос” чапханади урус чIалал ктаб акъуднава. Адан автор Нурият Алкадарская я. Ктаб чапдай акъудун Готфрид ва Генрих Гьасановар дидедиз хьайидалай инихъ 120 ва 110 йис тамам хьунихъ галаз алакъалу я. Идакай “Лезги газетдиз” Сулейман-Стальский райондин пресс-къуллугъдай хабар гана.

Ктабда чпин уьмуьр халкьдиз ва уьлкведиз бахш авур стхаяр тир Гьасановрин уьмуьрдин ва зегьметдин рекьикай, абурун агалкьунрикай кхьенва. Ана Готфрид ва Генрих Гьасановрин архивра авай шикилрикай менфят къачунва.

Ктабда санал кIватIна, кIелзавайбурун суфрадал гъанвай макъалайрай дуьньядиз машгьур стхайрин жанлу къаматар аквазва, стхаяр яшамиш хьайи вахтунин гъавурда акьаз, тарихда ва руьгьдин культурада абурун роль кьатIуз куьмекзава.

«Лезги газет»


Всего просмотров: 23

Читайте также: