Аламишедин къанал михьзава

Гатфаринни гатун салар дигидай сезондиз гьазурвилер акунин серенжемрин сергьятра аваз, Сулейман-Стальский райондин Герейханов хуьре «Аламишинский» дигидай цин къанал михьунин кIвалахар кьиле тухузва. Идакай «Лезги газетдиз» райондин администрациядин пресс-къуллугъди хабар гана.

Чешмеди къейдзавайвал, къаналдин и участокди 2 агъзур майишат дигидай целди таъминарзава. Ремонтдин кIвалахар къаналдин 1200 метрдин мензилда кьиле тухудайвал я. КIвалахар кьиле физвай чкадиз райондин хуьруьн майишатдин ва недай суьрсетдин управленидин ва «Минмелиоводхоз РД» ФГБУ-дин Самур-Гуьргенчаевский филиалдин пешекарар килигна.

«Лезги газет»


Всего просмотров: 3

Читайте также: