Агьалийрин дердияр чирна

И йикъара Мегьарамдхуьруьн райондин кьил Фарид Агьмедова кьилдин месэлайрин патахъай агьалияр кьабулунин нубатдин серенжем кьиле тухвана. Идан гьакъиндай райадминистрациядин пресс-къуллугъди хабар гузва.

И сеферда Мегьарамдхуьряй, Оружбадай, Гилийрилай ва Билбил-Къазмайрилай 8 агьали райондин регьбердин кьилив атана. Асул гьисабдай абурун дердияр кIвалахал тайинарунихъ, чилерин участокрин документар туьхкIуьрунихъ, яшайишдин кIвалер эцигун патал чил чара авунихъ, яшайишдин шартIар хъсанарунихъ… галаз алакъалубур тир. Дикъетдивди яб акалайдалай кьулухъ Ф.Агьмедова чкадин гьукумдивай агьалийриз гьихьтин куьмекар гуз жедатIа малумарна. Ватандашри малумарай гьар са месэла ада вичин хсуси гуьзчивилик кутун кьетIна. Агьалийрин месэлайрихъ галаз алакъалу яз бязи жавабдар къуллугъчийризни тапшуругъар гана.

«Лезги газет»


Всего просмотров: 23

Читайте также: