А.Ш.Къадимов

И йикъара чав, яратмишдай интеллигенциядин векилрив, чIулав хабар агакьна. Яргъалди чIугур азардикди машгьур шикилчи-журналист, хъсан дуст ва меслятчи, чIехи  гьуьрметлу хизандин кьил  Агъасеркер  Шумалович  Къадимов  рагьметдиз фена.

А.Ш.Къадимов къурушви баркаллу рухвайрикай сад я. Ви­чин пешеди ва кьисметди ам Сулейман-Стальский райондин центр Кьасумхуьрел акъудна. Ина ада райондин газетда фотожурналиствиле кIвалахна, саки 60 йисуз. Гьакьван йисара ада республикадин газетрихъ, журналрихъ галазни алакъа хуьзвай. “Лезги газет” ада вичин багъриди, редакцияни хайи кIвал яз гьисабдай.

Журналист яз, Агъасеркер Шумаловича кIвачелай тавур  пIипI, вич хайиди тир Къу­­руш­дилай (Докъузпара район) га­тIун­на, Сухокумск шегьер­див агакьна, лезгияр яшамиш жезвай чкайра бажагьат ама.

Дагъустандилай къецени – Уфада, Тамбовда ва масанрани ада вичин гелер туна. Уфада фо­тожурналистдин пешедай кIелна, гьа яргъал тир 50-йисарилай инихъ (ХХ асир) ада жуьреба-жуьре чкайра газетрин редакцийра къуллугъна.

Устаддин шикилриз гзаф конкурсра, выставкайра килигна, виниз тир къиметар гана. 1978-йисуз адакай “Советское фото” журналдин дипломант хьана. Адан зегьмет “Д­а­гъустан Республикадин куль­турадин ла­йих­лу работник” ла­гьай гьуьр­мет­дин­ тIвар гуналди ва хейлин ма­са шабагьралди къейдна.

Гьайиф, гила устад шикилчи, хъсан дуст чахъ галамач.

Чна рагьметлудан хизандиз, вири багърийриз, къурушвийриз, куьревийриз, ам чидай вирибуруз башсагълугъвал гузва.

Агъасеркер Шумалович Къа­димован экуь къамат садрани чи рикIелай алатдач.

“Лезги газетдин” редакциядин коллектив


Всего просмотров: 21

Читайте также: