Вахт дегишарнава

Ислен юкъуз, 13-майдиз, РД-дин информатизациядин, алакъадин ва массовый коммуникацийрин министерствода вичин хиве Дагъустан Республика мукьвал вахтунда рекъемрин телевиденидал эля­чIуниз гьазурунай жавабдарвал авай координационный штабдин нубатдин заседание хьана.

Аналоговый сигнал михьиз хкуддай вахт 3-июндилай 14-октябрдал хутахунихъ галаз алакъалу яз,  Россиядин Федерациядин 21 субъектда, гьа жергедай яз Дагъустан Республикадани, рекъемрин телевиденидал элячIунин рекье ийизвай кIвалахрин  цIийи планар веревирдна.

Инал алукьзавай гатун кьиляй-кьилиз муниципальный районриз фидай вахтарин цIийи график  туькIуьрдай къарар кьабулна. ИкI, агьалияр гъавур­да тунин кампания мадни ерилудаказ ва гегьенш майданра кьиле тухуз жеда.

Рекъемрин телевиденидал элячIунин вахт деги­шаруни ва са шумуд вацран кьулухъ хутахуни республикадин  цифровой сигналдивай яргъа авай хуьрера яшамиш жезвай агьалийриз и кардиз мадни му­кьуфдивди гьазур жедай мумкинвал гуда.

Лазим тир тадаракар маса къачунихъ ва абур  чкайрал эцигдайла, куьмек гунихъ галаз алакъалу суалар республикадин “кузвай линиядин” нумрадиз — 8(800) 250-74-84 — зенг авуна гуз жеда.

Чи мухбир


Всего просмотров: 36

Читайте также: