30 процентдин гзаф

“Дагъустан” РИА-ди хабар гузвайвал, 2019-йисан эвел кьилелай республикадин аграрийрин игьтияжар патал 115 миллион манатдин кьадарда аваз хуьруьн майишатдин техникадин 100 уьлчме маса къачунва.

РД-дин хуьруьн майишатдин ва суьрсетдин министерстводин делилралди, йисан эхирдалди техника маса къачуниз 400 миллион манат пул харжда. 2019-йисуз и макьсадриз  пулдин такьатар алатай йисав гекъигайтIа, 30 процентдин гзаф чара авунва.

Къейд ийин хьи, уьлкведин регионрин АПК-дин карханаяр хуьруьн майишатдин бес кьадар техникадалди таъминарунин месэла мукьвара РФ-дин хуьруьн майишатдин министерствода кьиле фейи видеоселекторный совещанидални веревирд авуна. Адан кIвалахда РД-дин хуьруьн майишатдин ва суьрсетдин министр Абзагьир Гьуьсейнова, “Дагагроснаб” АО-дин генеральный директор Чамсутин Мутуева ва министерстводин жавабдар къуллугъчийри иштиракна.

Чи мухбир


Всего просмотров: 14

Читайте также: